പുതു നാമ്പുകൾ 

ഓർമ്മയിലുണ്ട്  വസന്ത കാലം -എൻറെ 

ഓമനേ  നീയൊത്തൊഴിവുകാലം .

ഉള്ളിലൊരുപാട്  സ്വപ്‌നങ്ങൾ  പൂത്തകാലം 

കണ്ണിലനുരാഗ  രശ്മി യുദി ച്ച കാലം .

അകലത്തിൽ  നാം നട്ട  ചെമ്പകങ്ങൾ 

തമ്മിലറിയാതെ  കാറ്റിൽ  പുണർന്ന നേരം .

കിളികൾ  ചിലക്കുമീ  കവിതക്കു  പാർക്കുവാൻ 

പുഴവക്കിലൊരു  മുളം  കൂടൊരുക്കാം .

അരികിൽ  ചിരിക്കുന്ന  പുൽമേടുകൾ 

നമ്മിലണയാത്ത  പ്രണയത്തിൻ  പുതുനാമ്പുകൾ .

ചിറകൊച്ച  കേട്ടെന്റെ   ഉടലാഴങ്ങൾ 

കൊത്തി  കുറുകുന്നു  ജീവന്റെ  അടയാളങ്ങൾ .