ഉണക്കെഴുത്ത്

ഉടലാകെ  മഴയിൽ വെന്തൊരു  ചെടിയുടെ 

നനഞ്ഞ  വ്രണങ്ങ ളിലേക്ക് 

ഉണക്കെഴുതുകയാണ്‌ ഞാൻ 

പഴുപ്പിച്ച്ച്ചേ  അടങ്ങൂ 

എന്നൊരു ശപ ഥം 

വലിച്ച്  ,കിതച്ചു  കയറ്റുന്നു 

സൂര്യനും  കാറ്റും -കാത്തിരിപ്പുകളും .

പിടിച്ചെടുത്ത  ശ്വാസമെല്ലാം 

ഒറ്റയൂത്തിൽ  തീർന്നപ്പോൾ 

വഴിതെറ്റി വന്നവർതന്നെ 

ഭരണമേ റ്റെടുക്കുന്ന  ചെടിപ്പുകൾ

ഓരോ കോശവും  ഓരോ  പ്രബന്ജ മാകുന്ന

  ഈ  ഉണക്കെഴുത്ത്തിൽ

വരികൾക്ക്  നടുവിൽ എല്ലാ  നടപ്പാതകളും

ചുവന്നുപഴുത്തങ്ങനെ.

 .........................................................................................................

ഗ്രന്ഥലോകം 

നിവർന്നു  നിൽക്കാൻ

കെൽപ്പിലല്ലാത്തവനും

പറന്നുപോകാൻ

പരവതാനിയു മായിട്ടായിരിക്കും

ചിലപുസ്തകങ്ങൾ

ആചില്ലുകൂട്ടിലങ്ങനെ

നിശ്ചലമായിരിക്കുന്നത്.

നിശ്ശബ്ദമായ

ഗർജ്ജനങ്ങൾകൊണ്ട്

നിലനില്പ്പിനായുള്ള  സമരത്തിൻറെ

ചുക്കാൻ പിടിക്കുകയാണവർ

ചിതലരിച്ചു തുടങ്ങിയാലും

ചിറകുവിടർത്താനുള്ള  ഊർജ്ജം 

ഞെരുക്കി യമർത്തി  വച്ചിട്ടുണ്ടാകും 

അതൃ പ്ത മായ  അനുരഞ്ജനങ്ങ ളോരോന്നിലും.
..............................................................................................................................