തള്ള് 

എന്റെ  കയ്യക്ഷരം   
അതിമനോഹരമാണ് ;
ഞാനതിൽ   അഹങ്കരിക്കുന്നു .


പഠിക്കുന്നകാലത്ത്   അധ്യാപകരെല്ലാം 
എന്റെ  തോളിൽ  തട്ടി  അഭിനന്ദിച്ചിട്ടുണ്ട് -
സുഹൃത്തുക്കൾ  അസൂയപ്പെട്ടിട്ടുണ്ട് .


പ്രണയലേഖനമെഴുതി   വിജയിച്ചിട്ടുണ്ട് .
അന്താരാഷ്ട്ര  കയ്യക്ഷര മത്സരത്തിൽ -
മഷിപ്പേനകൊണ്ടെഴുതിയില്ലെന്ന  ഒറ്റക്കാരണത്താലാണ് 
അവന്മാരെനിക്കു  ഒന്നാം  സ്ഥാനം  തരാതിരുന്നത്‌ .
(അല്ലേ ലും  ഈ  അവാർഡോളൊക്കെ   തട്ടിപ്പാ .
മുന്നേ  കൂട്ടി  തീരുമാനിച്ചിട്ടുണ്ടാവും  പോലും ---വിജയിയെ )


ഞാനെഴുതിയത്  ഞാൻതന്നെ  നോക്കി 
അഭിമാനം  കൊണ്ട്    എഴുന്നേറ്റുനിന്നു 
പലപ്പോഴുമെന്നെ  വണങ്ങിപ്പോയിട്ടുണ്ട് .

പീരീഡ്   കഴിഞ്ഞു   മടങ്ങിപ്പോരുമ്പോൾ 
ടീച്ചറേ  മായ്ക്കേണ്ടെന്നു  കുട്ടികൾ 
പലകുറി  കെഞ്ചിയിട്ടുണ്ട് ---ബോർഡിന്    അലങ്കാരമാണുപോലും .
(ഞാൻ  നിർബന്ധപൂർവം  മായ്ച്ചേ പോരൂ ; .
മറ്റു ടീച്ചർമാരുടെ  കണ്ണുതട്ടിയാലോ )


സുഹൃത്തേ ......
ഇനി  നീ  അതുകണ്ടിട്ടു  കാര്യമില്ല .

അതുകൊണ്ട്  ഞാനീ കവിത
ടൈപ്പ്  ചെയ്തയക്കുന്നു .