കേരജന്മം 

അടുത്ത ജന്മത്തിലെനിക്കൊരു 

തെങ്ങായ്   പിറക്കണം .

തളർന്നുവീണവന്  ഇളനീരും 

തൊലിവരണ്ടവന്  എണ്ണയുമാകണം .

എല്ലാവിഭവങ്ങളിലുമങ്ങനെ 

രസിച്ചു  രസിച്ചു  കേറണം .

മധുരത്തിന്  കിടപിടിക്കാവുന്ന 

കൂട്ടുകാരിയാവണം .

ആഘോഷിക്കുന്നവന്  ലഹരിയും 

അലങ്കാരത്തിന്റെ  പൂക്കുലയുമാവണം .

തണൽ തേടുന്നവന്  തടുക്കാവണം.;

തറയടിക്കുന്നവന്  ചൂലാവണം .

.

തത്തപ്പെണ്ണിന്  ഒളിസങ്കേതമാവണം .

ഓലോഞ്ഞാലിക്ക്  ഊഞ്ഞാലാവണം 

കായൽ കനവിലെ  കയറാവണം 

കാര്യസ്ഥനൊരു  പണിയാവണം .

അടുത്തജന്മത്തിലെനിക്കൊരു 

 തെങ്ങായ്   പിറക്കണം .

ഇരുളു കീറുന്ന  പന്തമായ്  കത്തണം .

ഇവിടെയുണ്ടെന്നു  പറയാതെ  പറയണം .