ഉടയോർ
പതിവു തെറ്റുന്നു നമ്മളിന്നറിയാതെ
പലതു മങ്ങനെ മൂളി നടക്കുന്നു
പല വഴിക്കു പിരിയുന്നു നേരുകൾ
പറയുവാനുണ്ടൊരിത്തിരി പോരുകൾ
നിമിഷ നേരങ്ങൾ ചടുല വേഗങ്ങൾ
ഉടലു വെന്തുള്ള മുരുകും യാത്രകൾ
ഹൃദയ മാഴത്തിൽ പിഴുതെടുത്തിട്ട്
കടലു പോലതിൽ തിരകൾ പായിച്ച്
തുഴയുമാഴങ്ങൾ അതിരുവെട്ടിച്ച്
ഒടുവിൽ സൂര്യൻറെ ഇരുളു മോന്തീട്ട്
എവിടെ ഭൂമി കറങ്ങുന്നതില്ലയോ
എവിടെ സൂര്യൻ ഉദിക്കുന്നതില്ലയോ
എവിടെ മാനം ചിറകുകളില്ലയോ
എവിടെ വായു മിടിക്കുന്നതില്ലയോ
അടവു മാറ്റി പയറ്റുന്നു തന്ത്രങ്ങൾ
അനുഭവത്താൽ പഠിക്കാത്ത പാo ങ്ങൾ
ഉശിരാൽ വീശുന്ന ചോദ്യങ്ങളിൽ ചോര
ഉറവയായ് നൃത്തമാടുന്ന വേദികൾ
നിഴലുമാറും വെയിൽ നിറഞ്ഞാടും
കുളിരുമാറും കുരുവികൾ നീറും
ഉലകമെന്റേത് മാത്രമെന്നോതാൻ
ഉടയോർ നമ്മളങ്ങില്ലാതെയാവും
No comments:
Post a Comment