കവിത  സംസാരിച്ചു  തുടങ്ങുന്നത് 

ഒരു  ടീച്ചർ,  കവിതയെഴുതുമ്പോൾ 
ചില  സത്യങ്ങൾ  തുറന്നു പറയാതെ  വയ്യ .
ഒരു  കൗൺസിലർ,  കവിതയെഴുതുമ്പോൾ 
ചില  രഹസ്യങ്ങൾ  മൂടിവെക്കാതെ  വയ്യ .
ഒരു സ്ത്രീ,  കവിതയെഴുതുമ്പോൾ 
 ചില  ആയുധങ്ങൾ  അണിയാതെ വയ്യ .
ഒരു മുസ്ലിം  ,കവിതയെഴുതുമ്പോൾ 
ചില  മൗനങ്ങളെ   പുണരാതെ  വയ്യ .
എന്നാണാവോ  വെറും കവിയായൊരു -
 കവിതക്ക്  ജൻമം  കൊടുക്കാനാവുക ?
അന്നാവുമെന്റെ  കവിത  ശരിക്കും 
സംസാരിച്ചു  തുടങ്ങുക .