ഹിമ പർവ്വതം 

ഒരു   മുഖമോർത്തെടുക്കാൻ 

എത്ര സമയം  വേണം ?

 ഒരു  സ്വപ്നം കൊണ്ടൊരു 

ജന്മം താണ്ടുന്ന ധൃതിയിൽ ,

ഒരു ദൃശ്യം കൊണ്ടെല്ലാദിശകളും 

മാറിയേക്കാവുന്ന  തിരക്കിൽ .

പോയകാലങ്ങളെല്ലാം  കുടിച്ചുവറ്റിച്ചൊടുവിൽ 

ഓർമ്മകളിൽ  പിടക്കുന്ന ഹൃദയങ്ങൾ ,

കോർത്തുകെട്ടി .

നിഴലിന്റെ  അസ്ഥിരതയിൽ  ഒളിഞ്ഞും -തെളിഞ്ഞും 

നിലാവിന്റെ  അലർച്ചയെ  ,

വാരിപ്പുണർന്ന് .

ചിന്തിച്ചു  ചിന്തിച്ചു  കാടുകയറി  വരൂ .......

എന്റെകണ്ണിലൊരു  ഹിമപർവ്വതമുണ്ട് 

നിന്റെ  നോട്ടമേറ്റാൽ
 ഇടിഞ്ഞൊലിച്ചെല്ലാഅസമത്വങ്ങളേയും 

  മഹാപ്രളയമാക്കാൻ പോന്ന നിശ്ചല ദൃശ്യം