കാട്ടുമുല്ല 

ഒരു വിളിപ്പാടിനകലെയായ്‌  മന-

ക്കടലിൽ നിന്നൊരു  കവിത പൊങ്ങുന്നു

ഒഴിവയർ  മെല്ലെ നിറയുവാൻ  വെമ്പി

പതിവു  പാട്ടുമായ്‌  കരളിൽ  മുട്ടുന്നു

ഋ തു മണങ്ങളിൽ  പല നിറങ്ങളായ്‌

ഇതളുകാത്തിളം ചെടി  കിതക്കുന്നു

പുതു  മഴക്കാറി ലലിയവെ  ഭൂവി-

ലെവിടെയോ നോവിൻ  കുമിള തേങ്ങുന്നു

പുരയും - ,കണ്ണു മിച്ചെരുവിൻ  ഗർഭവും

ഹൃദയ ഭിത്തിയിൽ ചോർ ന്നൊലിക്കുന്നു 

കഴുക ദൃ ഷ്ടികൾ  കഥ മെനഞ്ഞതിൻ

ഞൊറികളിൽ  നാട്യച്ചിരികളാ ടുന്നു

ന റുനിലാവിന്റെ  ചിറകിലേ റുവാൻ

ചെറു കിനാക്കളിൽ  കൊതി  മുളക്കുന്നു

ഉണരുവാനിന്നു  സമയമായെന്നൊ -

രുദയ കിരണത്തിനലകളോതുന്നു