നാഷണൽ  പാർക്ക് 

 

എൻറെ  മനസ്സ്  

ഒരു  നാഷണൽ  പാർക്കാണ് 

നിങ്ങൾക്ക് 

അതിനുള്ളിലെ  നിശ്ചിത  പാതയിലൂടെ 

നിശ്ശബ്ദരായി  കടന്നുപോവാനുള്ള  അവസരം 

മാത്രമാണുള്ളത് .

എന്തു  ഭംഗിയാണിതിനെന്നു 

അത്ഭുതപ്പെടാം .

എന്തുകുളിരാണിവിടമെന്നു 

കോരിത്തരിക്കാം .

ഇത്തിരിനേരം 

ഇവിടിരുന്നു  പോയാലോയെന്നു 

ചുമ്മാ  നേരം  പോക്കാം .

ഏതു  നിമിഷവും  മുന്നിൽ  വന്നുവീണേക്കാവുന്ന 

ഒരു  പുലിയെയോ 

കരടിയേയോ 

കാട്ടാനയേയോ 

കൂടെ  പ്രതീക്ഷി ക്കണമെപ്പോൾ .

നിങ്ങളാരാണെന്നോ 

എവിടെനിന്നാണ്  വന്നതെന്നോ 

എന്തിനാണ്  പോണതെന്നോ 

തീർത്തും  ആപ്രസക്തമാകുന്ന 

നിമിഷങ്ങളാകുമത് .

എന്നെ  കൂടെകൂട്ടാമെന്നോ 

എൻെറ  കൂടെ  കൂടാമെന്നോ 

വെറുതെ  പ്രത്യാശിക്കരുത് 

എൻറെ  ഉരുൾ  പൊട്ടലുകൾ 

എൻറെ  വ്യക്തിത്വമാണ് 

അടിവേരുകളെ  

ആഴത്തിൽ  പിഴുതുകളയുമത് .

ചിലപ്പോൾ  ഇവിടം 

നിങ്ങൾക്ക്  പ്രവേശനമില്ലാത്ത  വിധം 

പൂർണ്ണമായും  അടച്ചിട്ടെന്നും 

വരാം 

ഞാൻ  ഒരു  മാർഗ്ഗം 

മാത്രമാണ് 

 ലക്ഷ്യം  നിങ്ങളുടെ 

ഉത്തരവാദിത്വമാണ്